Вэбсайт хийлгэхэд ихэнх хүн зөвхөн нээлтийн өдрийг боддог. Гэтэл сайт ашиглалтад орсон өдрөөс жинхэнэ ажил эхэлдэг: домэйн жил бүр сунгагдах ёстой, сервер ажиллаж байх ёстой, хамгаалалт шинэчлэгдэх ёстой. Үүнийг хэн хариуцах нь тодорхойгүй үед сайт нэг л өдөр анхааруулгагүйгээр унтардаг. Энэ нийтлэлд сайт ашиглалтад орсны дараа юу юу хийгддэг, та юуг заавал асуух хэрэгтэйг тоймлон бичлээ.
1. Домэйн сунгалт
Домэйн (жишээ нь танайнэр.mn) бол жил бүр төлбөрөөр сунгагддаг хаяг. Сунгалт хоцорвол сайт, имэйл хоёулаа зогсдог. Хамгийн муу тохиолдолд хаяг тань өөр хүний гарт очдог.
- Домэйн танай байгууллагын нэр дээр бүртгэлтэй байх ёстой. Хөгжүүлэгчийн хувийн нэр дээр биш.
- Сунгах хугацааг хэн хянадгийг тохиролцоорой. Бид харилцагчдынхаа домэйныг хугацаанаас нь өмнө сунгадаг.
2. Хостинг
Хостинг бол сайтын файлууд байрладаг, 24 цагийн турш асаалттай сервер. Сайт удаан ачаалагдах, ачаалал ихтэй үед унах нь ихэвчлэн хостингтой холбоотой. Сервер хаана байрлах, хэн хянадаг, асуудал гарвал хэн хэдэн цагт засахыг урьдчилан мэдэж байгаарай.
3. SSL цоож
Хөтөчийн хаягийн мөрөнд гардаг цоож нь холболт шифрлэгдсэнийг илтгэдэг. SSL гэрчилгээ хугацаатай тул автоматаар сунгагддаг тохиргоотой байх ёстой. Хугацаа нь дуусвал хөтөч «Аюултай сайт» гэж анхааруулж, үйлчлүүлэгч тань буцаад гардаг.
4. Нөөц хуулбар
Алдаа, халдлага, санамсаргүй устгал хэзээ ч тохиолдож болно. Тогтмол нөөц хуулбар байвал сайтыг хэдхэн цагийн дотор сэргээнэ. Байхгүй бол бүгдийг эхнээс нь хийнэ.
- Нөөцийг хэр давтамжтай авдаг вэ? Өдөр бүр байх нь зөв.
- Нөөц сайттай нэг сервер дээр биш, тусдаа газар хадгалагддаг уу?
- Сүүлд хэзээ нөөцөөс сэргээж туршсан бэ?
5. Шинэчлэл, хамгаалалт
Сайтын програм хангамж, сан, систем тогтмол шинэчлэгддэг. Шинэчлээгүй сайт цаг хугацааны явцад эмзэг болж, халдлагад өртөх эрсдэл өсдөг. Онлайн төлбөр (QPay), eBarimt, захиалгын мэдэгдэл зэрэг холболтууд ч өөрчлөгдөж байдаг тул тэдгээрийг ажиллаж байгаа эсэхийг хянах хүн хэрэгтэй.
6. Агуулга засвар
Үнэ өөрчлөгдөх, шинэ бараа, үйлчилгээ нэмэгдэх, ажлын цаг солигдох нь байнга гардаг. Энгийн өөрчлөлтийг өөрсдөө хийх админ хэсэгтэй байх, том өөрчлөлтийг хэнд хандахаа мэдэж байх нь сайтыг үнэн зөв мэдээлэлтэй байлгадаг.
Хөгжүүлэгчээсээ асуух 5 асуулт
- Домэйн, хостинг хэний нэр дээр бүртгэлтэй вэ?
- Сайт унтарвал хэнд хандах вэ, хэр хурдан засах вэ?
- Нөөц хуулбар хэр давтамжтай, хаана хадгалагддаг вэ?
- Хамтын ажиллагаа дуусвал код, нэвтрэх эрх, бүх файлаа авч чадах уу?
- Сар бүр юуг хариуцаж, юуг тусад нь тооцдог вэ?
Бид хэрхэн ажилладаг вэ
Invicta Motus сайт хийгээд орхидоггүй. Домэйн, хостинг, SSL, нөөц хуулбар, шинэчлэл, жижиг засварыг хариуцаж, харилцагчийнхаа IT баг болдог. Бүх зүйл танай нэр дээр бүртгэгдэж, нэвтрэх эрх танд байна. Дэлгэрэнгүйг вэбсайт хөгжүүлэлтийн үйлчилгээ хуудаснаас үзэж, эсвэл хүсэлтээ илгээгээрэй.